(Daawo) Madaxweyne Shariif oo sheegay in Khaatumo State ay buuxisay Shuruudihii Maamul-Goboleedyada lagu aqoonsan lahaa haatanna ay lamid tahay Maamul-Goboleedyada kale ee Puntland, Iyo Somali-land!!.

Madaxweyne Shariif oo la hadlayey Dad aad u farabadan oo ku sugan Hool Xaflad loogu sameeyay Madaxda DKMGka ah oo ku yaalla Magaalada Bristol ee Waddanka Ingiriiska ayaa markii ugu horreysay ka dhawaajiyey in Maamul-Goboleedka dhawaan looga dhawaaqay Taleex ee lagu magacaabay Khaatumo State uu buuxiyey Shuruudihii looga baahnaa Maamul-Goboleedyada ee ku xusnaa Axdiga KMGka ah, Waxana uu Madaxweyne Shariif sheegay in Khaatumo State Maamulka la yiraahdo uu la siman yahay Maamul-Goboleedyada kale ee ka jira Soomaaliya ee la’aqoonsan yahay.

Madaxweynaha ayaa shaaca ka qaaday in Maamul-Goboleedyada looga dhawaaqayo Nairobi, England iyo meelaha kale ee ka baxsan Soomaaliya aan la’aqoonsaneynin islamarkaana Maamul-Goboleedyada looga baahan yahay in looga dhawaaqo gudaha Soomaaliya iyadoo buu yiri Dadka Deegaanka noocyadiisa kala duwan ay ku midaysan yihiin.

Hadalka kasoo yeeray Madaxweyne Shariif ayaa Madax-wareer ku riday Maamullada Puntland iyo Samaliland oo iyagu aad uga carooday Khaatomo State dhismihiisa, Iyadoo qolo waliba ay sheeganeyso in Deegaannadaasi ay iyadu maamusho kana tirsan yihiin Dadka halkaas ku nool.

HOOS KA DAAWO VIDEOGA.

Posted on February 28, 2012, in Anti-Tribalism. Bookmark the permalink. 1 Comment.

  1. Wasaarada Dastuurka oo sheegtay in maamullo cusub loo sameynayo gobollada la xoreeyay
    FEB 26

    Muqdisho Axad 26 February 2012 (SONNA) – Wasaarada Dastuurka iyo dib u heshiisiinta xukuumadda Soomaaliya ayaa shaaca ka qaaday in ay jiraan qorshayaal maamullo cusub loogu sameeynaayo deegaanada iyo gobollada dhawaan laga xorreeyay Al-qaacidada Soomaaliya, si dadka halkaasi ku sugan ay u u dhadhamiyaan dowladnimada, nabada iyo kala danbeynta.

    Wasiirka Dastuuska iyo dib u heshiisiinta Xukuumadda Soomaaliya mudane C/raxmaan Xoosh Jabriil oo la hadlay warbaahinta qaranka ayaa hoosta ka xariiqay in xukuumada Soomaaliya ay haatan ku howlantahay sidii maamullo cusub looga yeeli lahaa deegaanada iyo gobollada dhawaan laga xorreeyay maleyshiyada Al-shabaab ee u xuub siibatay Al-qaacida, isagoona intaasi raaciyay in maamullada la sameyn doono ay noqon doonaan kuwo ay ku faraxsan yihiin dadka ku dhaqan gobollada dhawaan la xorreeyay.

    Mudane C/raxmaan Xoosh Jabriil ayaa sidoo kale farka ku fiiqay in maamul u sameynta gobollada dalka ay wada tashi kala leeyihiin dadka ka soo jeeda deegaannadaasi, isagoo intaa raaciyay in dowladda aysan isku koobi doonin maamulka u sameynta gobollada dalka Soomaaliya iyada oo kaliyah.

    Hadalkaani ka soo baxay wasiirka wasaarada Dastuuska iyo dib u heshiisiinta Xukuumadda Soomaaliya ayaa imaanaya xilli ciidamada qalabka sida ee Soomaaliya ay ku guuleysteen in ay la wareegaan deegaano iyo gobollo farabadan oo ay horay ugu sugnaayeen Al-qaacidada Soomaaliya.

    Source: SONNA

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: